महानायक राजेश हमालले करियरमै पहिलो पटक भिन्न गेटअपसहित महिला अबतारमा अभिनय गरेको फिल्म 'शकुन्तला' दर्शकमाझ आएको छ । विदाको दिन पर्दा मोफसलमा बिहिबार नै प्रदर्शनमा आएको फिल्म शुक्रबारबाट राजधानीका हलमा छिरेको हो ।
दिनेश श्रेष्ठ निर्देशित फिल्ममा हमाल साडी चोलोमा प्रस्तुत हुँदै महिला अधिकारको पक्षमा उभिएका छन्, फिल्मका यसअघि सार्वजनिक प्रचार सामग्री यस्तै बोल्छन् ।
फिल्म 'शकुन्तला'मा हमालसँगै अनु शाह, किशोर खतिवडा, स्मृति श्रेष्ठ लगायत लिड अभिनयमा छन् । महेश्वर खत्री फिल्मका लगानीकर्ता हुन् । राजधानीमा यो फिल्मसँग अन्य प्रतिस्पर्धी छैनन् ।
