गत बर्ष रिलिज फिल्म 'वडा नम्बर ६' को गीत 'सुर्के थैली'ले युट्युवमा सम्भवतः नेपालमा सर्वाधिक हेरिएको गीतको किर्तिमान राखेको छ । बिहिबार विहानसम्म उक्त गीतले १ करोड भ्युअर्स पार गरेको छ ।
यो समाचार पार गर्दा सम्म टिपिकल नेपाली फ्लेभरको गीत सुर्के थैलीलाई १ करोड ६ हजार बढि पटक हेरिसकिएको छ । नेपाली फिल्मको गीत यो संख्यामा हेरिएको पहिलो पटक हो ।
रिलिज हुँदाको दिनदेखी लाखौं नेपालीको मानसपटलमा बसेको गीतले दिन प्रतिदिन गर्दै भिजिटर संख्या बढाउँदै लगेको थियो । उज्जल घिमिरेको निर्देशनमा बनेको फिल्मलाई विपकराज गिरी, दिपाश्री निरौला, केदार घिमिरे, जितु नेपाल, सिताराम कट्टेल लगायत निर्मातामा छन् ।
सामाजिक सञ्जाल मार्फत निर्माण टिम तथा फिल्मसँग जोडिएका कलाकरहरुले 'सुर्के थैली'ले १ करोड भ्यूअर्स आँकडा पार गरेकोमा खुशी व्यक्त गरेका छन् ।