काठमाडौंमा हलहरुमा शुक्रबार मात्र फिल्म रिलजि गर्नको लागी बनाईएको नियम यो हप्ता तोडियो । 'चपली हाईट २' र 'वीर विक्रम' नामका दुई फिल्म बिहिबार नै रिलिज भए ।
यसको असर अन्य निर्माता निर्दे्शकमा पनि देखिने पक्का भएको छ । भदौ १० लाई प्रदर्शन मिति तय गरेको फिल्म 'शकुन्तला' अब भदौ ९ मै लाग्ने भएको हो । निर्देशक दिनेश श्रेष्ठले यसको पुष्टि गरे ।
यो बिहिबार रक्षाबन्धनको विदा परे झैँ भदौ ९ मा पनि कृष्ण जन्मान्ष्टमीको विदा छ । यसअघि पनि रेखा थापाको फिल्म 'काली' पनि नियम तोड्दै दशैंको छेकोमा पनि बिहिबार नै रिलिज हुँदा समेत विवादले हंगामा भएको थियो ।
एकपछि अर्को गर्दै त्यसले गर्छ भने म किन पछि हट्ने जस्तो हठ राख्नै निर्माताहरुले आफुहरुकै लागी निर्माता संघले बनाएको नियम तोड्दै जाँदा अब जसले जे गर्दा पनि हुन्छ भन्ने प्रकारको सन्देश फिल्म उद्योगबाट बाहिरिने देखिएको छ ।
