राजधानीमा शुक्रबार मात्रै फिल्म रिलिज गर्न बनाईएको नियम विपरित आज अर्थात विहिवारबाटै दुई फिल्म प्रदर्शनमा आएका छन् । रक्षाबन्धनको अबसरमा परेको राष्ट्रिय विदालाई लक्षित गर्दै दिपेन्द्र के खनाल निर्देशित चपली हाईट २ र मिलन चाम्स निर्देशित वीर विक्रम प्रदर्शनमा आएका हुन् ।
अर्जुनकुमार निर्माता रहेको चपली हाईट २ मा आयुष्मान देशराज श्रेष्ठ, मरिस्का पोखरेल र परमिता आर एल राना लिड रोलमा छन् । फिल्म राजधानीसँगै मोफसलमा सबै हलमा एकसाथ प्रदर्शनमा आएको हो ।
यस्तै दयाहाङ राई, अनुपबिक्रम शाही, अर्पण थापा, दिया पुनः, नाजिर हुसैन लिड रोलमा रहेको फिल्म 'वीर विक्रम' पनि शुक्रबार रिलिजको हल्लाबीच बिहिबारबाटै दर्शकमाझ आएको छ । तर सुरुवाती विजनेस हेर्दा दुबै फिल्ममा आशातित दर्शक देखिएनन् ।
