असोज २१ मा रिलिज हुने फिल्म 'किस्मत २' को नयाँ गीत रिलिज गरिएको छ । युट्युवमा सार्वजनिक गीतमा अभिनेत्री शिल्पा पोखरेललाई दुई अभिनेता किशोर खतिवडा र पृथ्वीराज शर्मासँग देख्न सकिन्छ ।
सुमधुर स्वर समावेश 'उनी आकाशबाट झरेकी अप्सरा' बोलको गीतमा संगीत अर्जुन पोखरेलको छ भने शब्द अमृत रेग्मीले लेखेका छन् । स्वर भने उदितनारायण झाले दिएका छन् । कोरियोग्राफी रामजी लामिछानेको छ ।
ऋषि लामिछानेको निर्देशन समावेश फिल्म बर्षौ पहिले बनेर रिलिज भएको 'किस्मत' को सिक्वेल हो । तर सिक्वेलमा भने पुराना कलाकार कोहि पनि छैनन् निर्माता छबिराज ओझा मात्र पुरानो टिमका सदस्य हुन् ।
