असोज ७ लाई फाईनल रिलिज तय गरेको फिल्म 'झूम्की'को अफिसियल ट्रेलर सार्वजनिक भएको छ । यसअघि कलाकारको रुपमा बाहिर नल्याईएका निर्देशक तथा अभिनेता निश्चल बस्नेत सरप्राईज स्वरुप ट्रेलरमा देखिएका छन् ।
निश्चललाई सेनाको अबतारमा प्रस्तुत गरिएको ट्रेलरमा अभिनेता दयाहाङ राईलाई प्रहरीको अबतारमा देख्न सकिन्छ । एक अनुसन्धानको लागी मैदानमा उत्रेका सिपाहीको रुपमा दुबै जनालाई देखाईएको छ ।
अपिल बिष्ट निर्देशित फिल्मको कथा 'कबड्डी' निर्देशक रामबाबु गुरुङले लेखेका हुन्। फिल्ममा रिश्मा गुरुङ, मलिना जोशी, मनोज आरसी लगायत लिड अभिनयमा छन् । शैलेन्द्र डि कार्कीले फिल्म खिचेका हुन् ।
