मिलन चाम्स निर्देशित फिल्म 'वीर विक्रम'को डेढ मिनेट लामो दोश्रो अफिसियल ट्रेलर रिलिज गरिएको छ । रिलिज मिति नजिकिँदै गर्दा प्रचारलाई व्यापकता दिन निर्माण टिमले दोश्रो ट्रेलर रिलिज गरेको हो ।
भदौ ३ मा देशभर एकसाथ प्रदर्शनमा आउने फिल्मलाई बर्ष २०७३ को आशातित फिल्ममा राखिएको छ । दयाहाङ राई, अनुपविक्रम शाही, अर्पण थापा, दिया पुनः, नाजिर हुसैन स्टारर फिल्मले दर्शकको मन जित्नेमा निर्देशक चाम्स आशावादी छन् ।
निकेश लिम्बु निर्मित फिल्मको यसअघि हङकङ र युकेमा प्रिमियर भईसकेको छ भने सुखद प्रतिक्रिया पाईसकेको छ ।
