भदौ २ मा रिलिज हुने प्रचार प्रसारका बीच फिल्म 'चपली हाईट २' काठमाडौंमा अन्ततः भदौ ३ मै लाग्ने भएको छ । विदाको छेको पारेर निर्माताले बिहिबार नै फिल्म रिलिजको लागी गरेको संघर्ष अन्ततः सफल हुन नसकेको हो ।
बिहिबार राजधानीमा केहि सञ्चारकर्मीको अघि निर्माता अर्जुनकुमारले फिल्म बिहिबार प्रदर्शन गर्न नपाउँदाको पीडा पोखेका छन् । 'हिन्दी फिल्म बुधबार रिलिज गर्दा चुप बस्ने नेपाली फिल्म बिहिबार त्यो पनि विदाको दिन रिलिज गर्न खोज्दा नपाउने, यो नियम कसको पक्षमा ?', अर्जुनले आक्रोस पोखे ।
निर्माताहरुको हक हितको लागी भन्दै खोलेको निर्माता संघ नै निर्माताको घाँटी निमोठ्न लागिपरेको भन्दै उनले संघलाई मुर्खहरुको झुण्डको संज्ञा दिए । आफ्नो विजनेस गर्न पाउने अधिकार हनन भएको भन्दै बिहिबार रिलिजको प्रचारका बीच फिल्म शुक्रबार रिलिज गर्नुपर्दा आफुलाई २० देखी २५ लाख घाटा भएको दाबी उनको छ ।
निर्माता संघका पदाधीकारीहरुलाई अर्जुनले अन्धा र अर्ध दिमागवालाहरुको संज्ञा दिएका छन् । राजधानीमा नलागे पनि मोफसलमा भने फिल्म भदौ २ मै लाग्नेछ ।
दिपेन्द्र के खनाल निर्देशित फिल्ममा आयुष्मान देशराज श्रेष्ठ, परमिता राना र मरिष्का पोखरेल लिड रोलमा छन् ।
