सोमबार काठमाण्डौमा एक समारोहका बिच फिल्म 'जालो' र 'जालो रिटर्न्स'को निर्माण घोषणा गरिएको छ । गिनिज बुकमा नाम लेखाउने उद्देश्यको साथमा तयार हुन लागेको यो फिल्म 'वान एक्सन, वान कट'मा सकिने निर्देशक अराज केशवले जानकारी दिए ।
निरन्तर चार घण्टा सुटिङ्ग गरेर सकिने यि दुवै फिल्म एकसाथ खिचिने छ । निर्माण पक्षका अनुसार एक पटक क्यामरा खोलेपछि फिल्मका सबै दृश्य नखिचेसम्म बन्द गरिने छैन । कुनै दृश्य पनि नदोहोर्याई वान सटमा खिचिने बताईएको छ । पूरै दृश्य खिचिसकेपछि फिल्मलाई ‘जालो’ र ‘जालो रिटर्न्स'मा तयार पारिने भएको छ ।
असोज महिनामा सुटिङ गर्ने भनिएको फिल्मलाई मोहित मुनालाले निर्माण गर्न लागेका हुन् । अनुपबिक्रम शाही, आशिफ साह, भानु प्रताप, मेनुका प्रधान, बर्षा सिवाकोटी लगाएतका कलाकार फाइनल भैसकेको समेत निर्माण पक्षले जानकारी गरायो ।
