बुधबारबाट प्रदर्शनमा आएको फिल्म 'सुल्तान'ले ईद रिलिजमा आजसम्मकै सर्वाधिक कलेक्शनको रेकर्ड बनाएको छ । सलमान खान स्टारर फिल्मले 'ओपनिङ डे' भारतमा ३६ करोड ५४ लाखको विजनेस गरेको वलिउड अनलाईन कोईमोई डटकमले लेखेको छ ।
ईद रिलिजमा यो कलेक्शन अहिलेसम्मकै उच्च हो । यसअघि ईदको छेकोमा प्रदर्शनमा आएको शाहरुख खान स्टारर फिल्म 'चेन्नई एक्सप्रेस'ले सर्वाधिक ३३ करोड १ लाख कमाएको थियो भने दोश्रो नम्बरमा सलमानकै 'एक था टाईगर' को ३३ करोड कमाई थियो ।
'सुल्तान'ले यी सबै रेकर्ड तोड्यो' वलिउड अनलाईन कोईमोई लेख्छ । तर फाईनल कलेक्सनमा तलमाथी हुनसक्ने अनुमान लगाईएको छ ।
विदा नपरेको भएकोले ओपनिङ डे को सर्वाधिक कलेक्शनको रेकर्ड भने बनेन् । सलमान खान र अनुष्का शर्मा लिड रोलमा रहेको फिल्मलाई अलि अबाज जफरले निर्दैशन गरेका हुन् ।
फिल्मले ईदको विदा पर्दैगर्दा बिहिबार पहिलो दिनको भन्दा बढि विजनेस गर्नसक्ने अनुमान छ ।