'लुकामारी' सौगात मल्लको लागी प्रतिच्छित अनि आशा गरिएको फिल्म हो । फर्स्टलुक रिलिजदेखि चर्चामा आएको उनको फरक गेटअप समावेश फिल्म रिलिजको क्रममा छ । असार १० बाट दर्शकमाझ आउँदैछ ।
'लुकामारी' जोडेर कहिँकतै खासै प्रतिक्रिया नदिएका अनि मिडियामाझ नआएका सौगात अरु बेला पनि मिडियामा छाउँदैनन् । यो विषयमा प्रश्न गर्दा उनले बोल्ने भन्दा पनि काम गरि देखाउने कुरा महत्वपुर्ण भएको बताए ।
'लुकामारी' मा आफुले एक चौधरी परिवारको पात्र निभाएको भन्दै सौगातले अहिलेसम्मकै विल्कुलै फरक अबतार दर्शकले देख्न पाउने दाबी गरे ।
आफू तराई भेगमा जन्मिएको अनि हुर्किएकाले पनि त्यहाँको भाषा शैली पर्दामा ल्याउन मन लागेको उनको भनाई थियो । जसलाई 'लुकामारी' बाट पुरा गरेको उनको तर्क छ ।
आफूले ब्यानर र स्क्रिप्ट दुबै हेरेर काम गर्ने गरेको सौगातले बताए । श्रीराम दाहालको निर्देशनमा तयार भएको यो फिल्मलाई सुरजमानसिंह भण्डारीले निर्माण गरेका हुन् । चलचित्रमा कर्मा, सुरविना कार्की, रीस्ता बस्नेत लगायतका कलाकारको अभिनय छ ।
