वलिउड अभिनेत्री करिश्मा कपुर र विजनेसमेन सञ्जय कपुरबीच औपचारिक रुपमै सम्बन्ध विच्छेद भएको छ । पारिवारिक अदालत मुम्बईले सोमबार यो जोडीको दुई बाटो खोलिदिएको हो ।
२०१४ मा नै डिभोर्सको लागी निवेदन गरेकी करिश्माको आवश्यक काजगात पुरा नभएको भन्दै अदालतले रोकेको थियो ।
तर सोमबाट पुर्णतः प्रमाण पेश गरेपछि अदालतले अन्तिम निर्णय लिएको उनकी वकिल क्रान्तिले मिडियामाझ बोलिन् ।
यो जोडीका दुई सन्तान छन् । दुबै जना करिश्मासँगै रहने बताईएको छ । १९९० को दशककी वलिउडकी व्यस्त अनि चर्चित हिरोईन करिश्माले २००३ सालमा सञ्जयसँग विहे गरेकी थिईन् ।