नेपाली कथानक चलचित्र रिलेशनको हलिउड थियटरमा प्रदर्शन आएको छ । अमेरिकामा रहँदै आएका निर्माता तथा कलाकार दिवाकर महर्जनको सकृयतामा फिल्म हलिउड थियटरमा प्रदर्शन भएको हो ।
शो पश्चात आफ्नो फिल्मलाई अमेरिकामा रहेका नेपालीहरुले रुचाएको भन्दै त्यसले निकै उत्साही बनाएको दिवाकरले बताए । नेपाली फिल्मकै ईतिहासमा पहिलो पटक हलिउड थियटरमा फिल्म प्रदर्शन भएको दाबी गरिएको छ ।
दिपेन्द्र दाहालको निर्देशन रहेको 'रिलेशन'नेपालमा भने असार १० गतेबाट प्रदर्शनमा आउँदैछ । तेक्वान्दो खेलको कथा बोल्ने फिल्मले खेलको माध्यमबाट समाजमा रहेका विकृतिहरुलाई कसरी हटाउन सकिन्छ भन्ने सन्देश बोकेको निर्माण टिमले बताउँदै आएको छ ।