महानायक राजेश हमाल फरक अबतारमा प्रस्ततु भएको 'शकुन्तला' फिल्म निर्माण घोषणाको दिनदेखि चर्चामा छ । कारण छ, हमालको तेश्रो लिङ्गी अबतार । केहि हप्ता पहिले रिलिज ट्रेलरले चर्चा पाएको फिल्मको अडियो जुकबक्स रिलिज गरिएको छ ।
दिनेश श्रेष्ठको निर्देशनमा बनेको फिल्ममा समावेश गीतहरु अडियोमा सार्वजनिक गरिएको हो । फिल्मका गीतहरु छिट्टै नै चल दृश्यमा सार्वजनिक गर्ने निर्देशक दिनेशको कथन छ ।
भदौ १० मा रिलिज मिति तोकिएको फिल्मलाई हमालको कोणबाट पनि आशाको केन्द्र मानिएको छ । किनकी हमालले अभिनय गरेका चर्चामा रहेका धेरै फिल्म पछिल्लो पटक सफल छैनन् ।
'शकुन्तला'मा हमालसँगै अनु शाह लिड रोलमा छिन् । सार्वजनिक गीतहरुमा संगीत भने अर्जुन पोखरेलले भरेका छन् ।
