पलायनको हल्ला चलेपछि अभिनेत्री ऋचासिंह ठकुरी पुनः फिल्म क्षेत्रमा आएकी छिन् । अभिनेत्रीसँगै निर्माता बनेर । उनको लगानीमा अहिले 'सुपर गोर्खे' नामको फिल्म बनिरहेको बताइएको छ ।
'सुपर गोर्खे'को अहिले गीतको छायांकन भै रहेको छ । अभिनेत्री ठकुरीले बिहे पछि आफ्नै पति गजेन्द्र राज थापाको निर्देशन तथा आफ्नै लगानीमा 'सुपर गोर्खे'फिल्म निर्माणमा जुटेकी हुन् । विगत लामो समयदेखि अष्ट्रेलिया बस्दै आएका एनआरएन गजेन्द्र राज थापाले अष्ट्रेलियामा नै अभिनय र निर्देशकको कोर्ष गरेका थिए ।
गीतको छायांकन फिल्मको छायांकन पनि अन्तिम चरणमा छ । 'सुपर गोर्खे'लाई छिट्टै नेपाल र अष्ट्रेलिया रिलिज गरिने बताईएको छ । बिराटनगर ,धरान,काठमाण्डौमा छायांकन गरिएको यस फिल्मको गीतको छायांकन भने पर्यटकीय नगरी चितवनको सौराहामा गरियो ।
तारा प्रकाश लिम्बुको संगीत तथा लिम्बु र रजिना रिमालको स्वरमा रहेको 'तिमि नै हौ 'बोलको गीतको छायांकन सौराहामा भै रहेको छ । नूत्य निर्देशक रामजी लामिछानेले नायिका ऋचासिंह ठकुरी तथा नव नायक सचिन केसीलाई नचाएका छन् ।
फिल्ममा सौरभ लामाको छायांकन ,चन्द्र पन्तको एक्शन रामजी लामिछाने र कमल राईको नूत्य रहेको छ । फिल्ममा ऋचासिंह ठकुरी र सचिन केसीका अलावा निर्देशक गजेन्द्र राज थापा,सुरज ठकुरी ,जिीवन लुईटेलका भाई निराजन लुईटेल,कामना भुजेल ,भुपेन्द्र क्षेत्री लगायतको अभिनय रहेको छ ।
