वक्सअफिसमा हिट फिल्म पाईरेसीको मारमा परिरहँदा पछिल्लो पटक 'ड्रिम्स' पाईरेसी भयो । ततःपश्चात निर्देशक तथा निर्माता भुवन केसी विदेशमा चलाईरहेको शो थाती राख्दै नेपाल फिरे । नेपाल आएपश्चात पाईरेसीले करोडौं घाटा भएको भन्दै १ करोड क्षतिपुर्ती माग सहित भुवनले उजुरी दर्ता गरेका छन् ।
प्रहरी साईवर सेल, विकास वोर्ड र चलचित्र कलाकार संघमा भुवनले उजुरी दर्ता गरेका हुन् । त्यसपश्चात भुवनले प्रहरी तथा सम्बन्धित निकायबाट पत्ता लगाई दोषी उपर कारबाहीको बचन पाएको बताए ।
नेपाली फिल्म र संस्कृतिलाइ ध्वस्त पार्ने षडयन्त्रमा गिरोह नै लागिरहेको भन्दै भुवनले त्यो गिरोह पत्ता लगाई कारबाहिको लागी माग गरेको बताएका छन् । तर पाईरेसि कहाँबाट र कसले गर्यो भन्ने बारे किटानी दिन भने उनले सकेनन् ।
केहि हप्ता पहिले 'ड्रिम्स' पाईरेसी भएको खबर पहिलोपटक फिल्मीखबर डटकमले प्रकाशित गरेको थियो । फिल्ममा अनमोल केसी र साम्राज्ञ्यलक्ष्मी शाह लिड रोलमा छन् । फिल्म बर्ष २०७२ को हिट लिस्टमा छ ।
