निर्देशक आकाश अधिकारी भन्छनः बैशाख ३१ रिलिज फिल्म ‘के म तिम्रो होइन र’बाट नकारात्मक समिक्षा आउछ भन्ने लाग्दैन् ।' आफ्नो चौधौ फिल्मको रुपमा प्रेमकथाको यो फिल्म बनाएका उनले यो फिल्मलाई माया गर्नेहरु सबैको लागी आफ्नो गिफ्ट बोले ।
यो फिल्मबाट आर्यन अधिकारी र मरिष्का पोख्रेल फिल्म क्षेत्रमा डेब्यू गर्दैछन् । त्यस्तै ३० कटेपछि बल्ल फिल्ममा आएकाआर्यन पनि ढिलो नभएको बताउँछन् । यो क्षेत्रमा आउनुभन्दा अगाडि आफूले अध्ययन पनि गरेको भन्दे आर्यन डेब्यू प्रोजेक्टबाटै उत्साहित देखिएका छन् ।
वैशाख ३१ गतेबाट रिलिज हुने यो फिल्मको ट्रेलर सार्वजनिक भएसँगै चर्चा त छ नै आशा पनि धेरैले गरेका छन् । फिल्मसँग जोडिएर आएका प्रतिक्रिया यहि बोल्छन् । त्यस्तै चलचित्रमा आफू बब्ली क्यारेक्टरमा देखिएकी अभिनेत्री मरिष्का पोख्रेल काम राम्रो गर्ने र दर्शकको मन जित्ने योजनामा रहेको बताउँछिन् ।
मरिष्का चलचित्रमा आवद्ध हुनुभन्दा अगाडि केही यूवतीहरु अडिसनका लागि आएका थिए । तर, जब मरिष्का अडिसन दिएर फर्किइन्, निर्देशक आकाश अधिकारी खुशी देखिए । कारण, उनलाई मरिष्का आफ्नो फिल्मको लागी फिट पात्र लागेको अनुभुती भयो । त्यसैको प्रतिफल दर्शकमाझ अबको केहि दिनमा सार्वजनिक हुँदैछ ।
विशेषगरि, आर्यन र मरिष्काको प्रेम, आर्यनको धमकेदार एक्सन र गीतसंगीतका कारण ‘के म तिम्रो होइन र’ चर्चामा छ ।
ट्रेलर सार्वजनिकसँगै बलिउडका टाईगर श्राफको नेपाली उपमा पाएका आर्यनले कस्तो काम गरेका छन् अनि मरिष्का र निर्देशकको बचनले दर्शकलाई कति न्याय गर्छ त्यो भने रिलिजपछि नै थाहा हुनेछ ।
