पुर्व मिस नेपाल तथा नायिका मलिना जोशी र नायक अनुपविक्रम शाही बिचको प्रेम प्रसँग नयाँ मसला होइन । यी सुन्दरी र ह्याण्डसम बिच बेलाखबत ब्रेकअपको खबर समेत बाहिरिएको थियो । यद्पी यी दुईबिच पुनः सम्बन्धमा सुधार आइसकेको उनीहरु निकट बताउँछन् । स्वयम् मलिना र अनुप चाहिं के भन्छन् त ?
आज आयोजित मलिना अभिनित 'दि विनर' फिल्मको प्रेसमिटमा उनले अनुपसँगको प्रेम र ब्रेकअपको विषयमा खुलेर बोल्न चाहिनन् । के तपाईंहरुको ब्रेकअप भएको थियो ? भन्ने मिडियाको जिज्ञासामा मलिनाले भनिन्, मैंले कहिल्यै पनि मिडियासँग मेरो प्रेमको विषयमा कुरा खोलेको छैन ।
अब प्रेम नै नभएपछि कसरी ब्रेकअप भयो भनेर भनौं ? के अहिले चाहिं तपाईं रिलेसनमा हुनुहुन्छ ? भन्ने अर्को प्रश्नमाय मलिनाले भनिन्, यो मेरो नीजि कुरा हो । भन्न आवश्यक ठान्दिन् ।
प्रेम प्रसंगका विषयमा मलिना नखुलेपनि उनी अहिलेपनि नायक विक्रमसँगकै अफयेरमा छिन् । तर यो जोडी सुरुवाती दिनमा जस्तो पछिल्ला दिनहरुमा सार्वजनिक कार्यक्रममा सँगै देखिएका छैनन् र खुलेर कुरा पनि गर्दैनन् ।
सायद भोलिका दिनमा सम्बन्धमा आउने उतार चढावलाई लिएर चनाखो त भएका होइनन् ? यो प्रश्न मलिना र अनुपलाई ।
