'फ्यान फलोईङ अनि क्रेजलाई जोडेर पछिल्लो पटक बलिउड स्टार शाहरुख खानको 'फ्यान' फिल्म आयो । तर फिल्म फ्लप सुचीमा पुग्ने प्रक्रियामा छ । यो बीचमा अर्का स्टार अभिनेता आमिर खानको यस्तै विषयको सेरोफेरोमा नयाँ फिल्म आउने पक्का भएको छ ।
वलिउड अनलाईनहरुले लेखे अनुसार आमिरको २०१७ को लागी प्रोजेक्ट 'सेक्रेट सुपरस्टार' हुनेछ । सुरुमा 'आज फिर जिने कि तमन्ना है' टाईटल राखिएपनि अन्ततः यो नाम परिवर्तन भई 'सेक्रेट सुपरस्टार' बनेको हो ।
फिल्म सांगितिक कथामा आधारित हुने बताईएको छ । 'फिल्ममा आमिर अभिनयमा हुने छैनन् निर्देशनमा हुनेछन्' कोईमोई डटकमले लेखेको छ । यो फिल्मको लागी कलाकार तय हुन बाँकी छ ।
यसअघि पनि आमिरले निर्देशन गर्ने भनिएका फिल्म अन्तिम समयमा अरुले नै निर्देशन गरेका रेकर्ड छन् । त्यसैले यो फिल्म पनि कसको निर्देशनमा बन्छ हेर्न बाँकी छ ।