बलिउड स्टार शाहरुख खान स्टारर फिल्म 'फ्यान'को बिजनेस ओरालो लागेको छ । आईतबार भारतमा पर्ने विदाको दिन १७ करोड ७५ लाख विजनेस गरको फिल्मले सोमबार जम्मा ६ करोड ५ लाखको विजनेस गरेको छ ।
दुई दिनको तुलनामा 'फ्यान' विजनेस झण्डै ११ करोड कम छ । रिलिजको दिन १९ करोड २० लाखको विजनेस गरेको फिल्म शनिवार घटेर १५ करोड ४० लाख भएको थियो ।
यो हिसाव हेर्दा फिल्मले १ हप्तामा १ सय करोड कमाउने संभावना अत्यन्तै कम छ । फिल्मले चार दिनमा जम्मा ५८ करोड ४० लाखको विजनेस गरेको छ ।
१ सय ५ करोडमा बनेको यो फिल्म धेरै नाफामा जाने मै चार दिने विजनेसले शंका उब्जाएको छ । फिल्मको विजनेसमा भारतमा मात्रै होईन् विश्वव्यापी रुपमै ड्रप आएको छ ।
स्टार र फ्यानवीचको आत्मियता अनि त्यसपछि उत्पन्न द्वन्द्वात्मक परिस्थितीलाई बोलेको फिल्मलाई मनिष शर्माले निर्देशन गरेका हुन् ।
