निलु डोमा शेर्पाको डेब्यू निर्देशन रहेको फिल्म 'हाउ फन्नी' यो शुक्रबार रिलिज हुँदैछ । प्रदर्शनको मिति नजिकिँदै गर्दा प्रचारलाई फिल्म युनिटले तिब्रता दिईरहेको छ ।
यो बीचमा फिल्मको सोमबार सेन्सर भयो । फिल्मलाई सेन्सर वोर्ड सदस्यहरुले हेरिसकेपछि सबै वर्गका दर्शकले हेर्न पाउनेगरी युनिभर्सल सर्टिफिकेट निर्देशकको हातमा थमाए ।
कमेडी फ्लेभरको यो फिल्म स्टार कास्टले भरिपुर्ण छ । फिल्मले हलमा दर्शकलाई हँसाउने अनि पुर्ण मनोरञ्जन दिने निर्देशक निलुले बताईन् । सेन्सरमा फिल्मको कुनै पनि दृश्य तथा संवाद काँटछाँट नभएको निलुको भनाई छ ।
मल्टिप्लेक्स र सिंगल स्कृनमा एकसाथ प्रदर्शन हुने फिल्म दर्शकले मन पराउने आशा निर्माण टिमको छ ।
पुर्व मिस नेपाल माल्भिका सुब्बा कार्यकारी निर्माता रहेको यो फिल्ममा प्रियंका कार्की, दयाहाङ राई, निशा अधिकारी, केकी अधिकारी, अनुपबिक्रम शाही लगायत अभिनयमा छन् ।
