बर्षमा थुप्रै फिल्म बन्छन् । रिलिज पनि उत्तिकै मात्रामा हुन्छन् । चर्चा र सफलता भने थोरैले मात्र पाउँछन् । नयाँँ बर्षको शुरूवातमा रिलिज हुन लागेको फिल्म 'जंगे' पनि चर्चा पाउने र पर्खाईमा रहेको फिल्म हो ।
आउँदो बैशाख १७ गते रिलिज हुन लागेको फिल्म 'जंगे'को ट्रेलरले दर्शकलाई प्रतिक्षित बनाईसकेको छ । भर्खरै मात्र रिलिज भएको उक्त फिल्मको ओसटी गीतले 'जंगे'को प्रचारलाई झन् जंगाएको छ ।
मानष राजको शब्दमा अल्मोदा उप्रेतीको संगीत तथा स्वर रहेको प्रस्तुत सार्वजनिक शिर्ष गीतमा मुख्य पात्रहरूको चरित्रलाई प्रस्तुत गरिएको छ । म्युजिकल प्रोमोको हिसाबमा तयार पारीएको उक्त भिडियोले फिल्मको हेर्ने उत्सुकता थप बलियो बनाएको छ ।
राजनीतिक थ्रिलर जनरा भनिएको फिल्मलाई नेपालसँगै अष्ट्रेलिया, अमेरिका, युके, बेल्जियम लगायतका शहरहरुमा समेत प्रदर्शनको तयारी भईरहेको अष्ट्रेलियामा रहेका निर्माता तथा छायाँकार सुसन प्रजापतिले बताए ।
उत्कल थापाले निर्देशन गरेको फिल्ममा पटकथा तथा संवाद सुवास कोईराला र एमएस अग्रजले लेखेका हुन् । 'जंगे'मा सुरजसिंह ठकुरी, ऋचा शर्मा, अनुप बराल, दीपशिखा शाही, नरेश पौडेल, सुशांक मैनाली, प्रदिप ढकाल, सुशिलराज पाण्डे, जोएस पाण्डे, लगायतको अभिनय छ ।
'जंगे'को बारेमा कलाकारले के-के भने त ? भिडियोमा हेर्नुस्
