प्रतिच्छित फिल्म ‘के म तिम्रो होइन र’को ट्रेलर सार्वजनिक भएको छ । राजधानीमा आईतबार आयजित एक कार्यक्रमका बीच फिल्मको ट्रेलरसँगै दुई गीत सार्वजनिक गरियो ।
ट्रेलर हेर्दा एक्शनका दृश्यहरुलाई बढि प्राथमिकता दिईएको देखिन्छ । ट्रेलर हेरसकेपछि डेब्यू कलाकार आर्यन अधिकारी र मरिष्का पोखरेलको कामको धेरैले तारिफ गरे । ट्रेलरमा आर्यनको दमदार एक्शन समावेश छ । अधिकारी ब्रदर्स पिक्चर्स प्रालिको प्रस्तुती र द स्काई मुभिजको सहकार्यमा तयार भएको यो फिल्ममा कथा तथा निर्देशन आकाश अधिकारीको छ ।
कार्यक्रममा फिल्मको अडियो एल्बम पनि बिमोचन गरिएको थियो । बसन्त सापकोटा र ताराप्रकाश लिम्बुको संगीत रहेको फिल्मका गीतमा डाक्टर कृष्णहरी बराल, सुन्दर श्रेष्ठ र आकाश अधिकारीको शब्द छ । जहाँ उदितनारायण झा, अन्जु पन्त, राजेशपायल राई, प्रल्हाद तिमिल्सिना, मिलन अमात्य र दुर्गा दाहालको आवाज छ ।
सुरेश अधिकारीको लगानी रहेको यो फिल्ममा गौरी मल्ल, मिथिला शर्मा, प्रज्वल सुजल गिरी, सुरेन बस्याँल, सविना गोपाली, आकाशबाबु खवास, रमेश अधिकारी, बिनोद केसीको पनि अभिनय छ ।
हिमाल केसीको एक्सन, बसन्त श्रेष्ठ र रेनशा वान्तवा राईको कोरियोग्राफी, दिनेश गैडा र राजु पेन्टरको कला, अर्जुन जिसी र भूपेन्द्र अधिकारीको सम्पादन छ । फिल्ममा प्रोडक्शन डिजाइनर सुरज आचार्य, प्रोडक्शन म्यानेजर दीलिप पन्त, पोस्टर डिजाइन सान थापा र विजय बस्यालको छ । यो फिल्म वैशाख ३१ गतेबाट प्रदर्शनमा आउँदैछ ।
कार्यक्रममा बोल्दै निर्देशक आकाश अधिकारीले आफ्नो प्रतिस्पर्धा आफ्नै फिल्मसँग भएको बताए । उनले फिल्मको टाइटल दिएकोमा गीतकार डाक्टर कृष्णहरी बराललाई धन्यवाद पनि दिए ।
