सुपरहिट फिल्म 'चपली हाईट'को सिक्वेल `चपली हाइट २’ ले छायांकन नसकिँदै फिल्मको रिलिज मिति घोषणा गरेको छ । निर्माता अर्जुन कुमारले आउँदो भदौ ३ मा फिल्म रिलिज हुने बताए ।
रोमान्टिक थ्रिलर भनिएको फिल्मलाई दीपेन्द्र के. खनालले निर्देशन गरिरहेका छन् । हाल छायाँकनमा रहेको यो फिल्ममा आयुष्मान डिएस श्रेष्ठ, परमिता राज्यलक्ष्मी राणा र मरिष्का पोखरेलले मुख्य भूमिकामा अभिनय गर्दै छन् ।
फिल्मलाई काठमाडौं उपत्यकाभित्र पपकर्न पिक्चर्स र उपत्यकाबाहिर मनोज राठीले वितरण गर्नेछन् ।
