पछिल्लो समयकी व्यस्त अभिनेत्री प्रियंका कार्की २९ बर्ष लागेकी छिन् । शनिबार परेको जन्मदिनमा उनले रिलिजको क्रममा रहेको फिल्म 'हाउ फन्नी'टिमसँग केक काटिन् । प्रियंकाले केक काट्दा हाउ फन्नी टिमसँगै चलचित्र विकास वोर्ड अध्यक्ष राजकुमार राई, निर्देशक समाजका अध्यक्ष दिनेश डिसी लगायतले सँगसँगै 'ह्याप्पी बर्थडे प्रियंका' बोले ।
जन्मदिनमा शुभचिन्तकहरुलाई सन्देश सेयर गर्दै प्रियंकाले दर्शकहरुको साथ सहयो र समर्थनले नै नेपाली फिल्ममा अहिलेको प्रियंका बनेको भन्दै यो साथ निरन्तर रहनेमा आशा व्यक्त गरिन् । यो भन्दै उनले 'हाउ फन्नी' भित्रको रहस्यमय जासुस पात्रको बारेमा पनि खुलाईन् । यसअघि नै यो फिल्ममा प्रियंका र केकी अधिकारी जासुस भूमिकामा रहेको फोटो सार्वजनिक भए पनि तथ्य खुलेको थिएन् ।
प्रियंकाको जासुस पात्र खुलाउँदै निर्देशक निलुडोमा शेर्पाले फिल्म नै जासुस प्रियंका र केकीको वरीपरी नै घुमेको भन्दै फिल्मको खास हिरो नै यी दुईजना रहेको बोलिन् । यो फिल्ममा प्रियंका र केकीसँगै दयाहाङ राई, निशा अधिकारी, शिशिर राणा लगायत लिड रोलमा छन् ।
यसैबीच 'हाउ फन्नी'को ट्रेलर तथा गीत सार्वजनिक गरिएको छ । प्रियंकाको जन्मदिन मनाउँदै यो फिल्म नयाँ बर्ष लागे लगत्तै बैसाख १० मा रिलिज हुने जानकारी गराईयो ।
