फिल्म ‘वीर विक्रम’को 'फस्टलुक्स' र क्यारेक्टर पोष्टर सार्वजनिक गरिएको छ । सार्वजनिक पोष्टरमा लिड कलाकारहरुको फरक फरक गेटअप अनि लुक्स देख्न सकिन्छ । निर्माणको समयदेखि नै चर्चामा रहेको ‘वीर विक्रम’लाई मिलन चाम्सले निर्देशन गरेका हुन् ।
'हँसिया' निर्देशकको यो फिल्मलाई लभ, एक्सन र कमेडी जनराको भनिएको छ । फिल्ममा दयाहाङ राई, अर्पण थापा, अनुपविक्रम शाही, दिया पुन, नाजिर हुसेन, विभेक लिम्बु, शिशिर राना र वसन्त भट्ट लिड अभिनयमा छन् ।
ताराप्रकाश लिम्बुको संगीत, रेनशा वान्तवा राइको कोरियोग्राफी तथा सम्राट बस्नेतको एक्शन समावेश फिल्मलाई राजकुमार केसीले खिचेका हुन् । फिल्मको कथा यम थापाको हो ।
