युवा निर्देशक निश्चल बस्नेत बैबाहिक बन्धनमा बाँधिएका छन् । बुधबार हिन्दु परम्परा अनुसार निश्चलले मोडल तथा अभिनेत्री स्वस्तिमा खड्कासँग लगनगाँडो कस्दै जीवनको नयाँ अध्यायको सुरु गरेका हुन् । राजधानीको तिनकुने स्थित एक बैङ्कुटमा उनले तामझामका साथ स्वस्तिमाको सिउँदोमा सिन्दुर छरे ।
.jpg)
३४ बर्षे निश्चलले आफुभन्दा १४ बर्ष कान्छि २० बर्षे स्वस्तिमासँग लगनगाँठो कसेका हुन् । दुई वटा मात्र फिल्म निर्देशन गरेका निश्चल पहिलो फिल्म 'लुट'बाट नै चर्चामा आए । उनले निर्देशक मात्र नभई 'कबड्डी' फिल्मबाट अभिनेताको रुपमा आफुलाई प्रमाणित गरिसकेका छन् ।
.jpg)
फरक धारको फिल्म बनाएको भन्दै चर्चामा आएका निश्चलले बैबाहिक कार्यक्रममा भने सिमित मात्रै फिल्मकर्मीहरुलाई निम्तो गरेका थिए । उनको बैबाहिक कार्यक्रममा निर्माता माधव वाग्ले, सुनिल रावल, अर्जुनकुमार, निर्देशक दिपेन्द्र के खनाल, प्रोडक्शन कन्ट्रोलर बुद्दिलाल मगर लगायत मात्र देखिए ।
बैबाहिक रमारोहमा ढाकाको दौरा सुरुवालमा सजिएर मण्डपमा बसेका निश्चलले फिल्मीखबरसँग कुराकानी गर्दै बिहेपछि पनि आफ्नो र स्वस्तिमाको करियर फिल्म क्षेत्रमा नै निरन्तर रहने बताए ।
