बलिउड अभिनेत्री कट्रिना कैफ पछिल्लो सात बर्षयता अभिनेता रणविर कपुरसँग रिलेशनसिपमा थिईन् । तर केहि हप्ता पहिले यी दुईको ब्रेकअप भएको समाचार मिडियामा छाईरहँदा आईतबार परेको भ्यालेन्टाईनको दिन कट्रिनाले आजसम्म कहिल्यै भ्यालेन्टाईन नमनाएको बोलेकी छिन् ।
एक कार्यक्रममा सहभागी हुँदैगर्दा कट्रिनाले अर्को कुरा पनि स्विकारेकी छिन् कि बलिउड स्टार सलमान खान उनका एक्स. व्वाईफ्रेण्ड थिए । मिडियामा सलमान र कट्रिनाको सम्बन्धलाई जोडेर धेरै समाचार आएपनि सलमानलाई बल्ल आएर कट्रिनाले पुर्व प्रेमी स्विकार गरेको बलिउड अनलाईनहरुले लेखेका छन् ।
पर्दामा जमेको जोडी सलमान र कट्रिनाको औपचारिक सम्बन्धको बारेमा यी दुबैजना मौन जस्तै थिए । हाँसो ठट्टा बाहेक खुलेर सम्बन्धको बारेमा बोलेका थिएनन् । कट्रिनाको पछिल्लो फिल्म 'फितुर' अहिले प्रदर्शनमा छ । फिल्मको बिजनेस भने औसत मात्रै छ ।
