चर्चित नृत्य निर्देशक बसन्तजंग रायमाझीले यो संसारबाट बिदा लिएका छन् । उपचारको क्रममा नर्भिक अस्पताल थापाथलीमा बुधबार बिहान उनको निधन भएको हो । ८१ बर्षिय रायमाझी एक्कासी बेहोस भएपछि उनलाई अस्पताल भर्ना गरिएको थियो ।
रायमाझीको शवलाई अहिले श्रद्धाञ्जलीको लागी प्रज्ञा प्रतिष्ठान कमलादीमा राखिएको छ । भने आज साँझ नै आर्यघाटमा दाह संस्कार गरिने पारिवारिक श्रोतले बताएको छ । बलिउडमा करिब सय बढी फिल्ममा नृत्य गरेका बसन्त जंग रायमाझी देशको मायाले नेपाल आएका थिए ।
उनले अभिनेता अमिताभ बच्चनसँग पनि फिल्ममा सँगै नृत्य गरेका थिए । रायमाझीले डेढ सय भन्दा बढी नेपाली फिल्ममा कोरियोग्राफी र नृत्य गरेका छन् । उनका २ छोरा र १ छोरी छन् ।
