अचम्मको कुरा हुन्छ कलाकारका लागि । कोही फिल्म चल्दा पनि चर्चित हुँदैनन्, कोही नचलेर पनि चर्चित बन्छन् । फिल्म ‘लोफर’ चल्दा अभिनेत्री रजनी केसीको उचाई यतिधेरै थियो कि, मानौ उनी अबकी नयाँ स्टार हुन् । फिल्म रिलिज नै नहुँदा पनि कोही कलाकारले यतिधेरै चर्चा पाएको कमै सुनिएको थियो ।
तर, फिल्म असफल भयो, रजनीको चर्चा भयो । अब, फिल्म ‘परदेशी’ चलेर निर्माताको गोजीमा पैसा नै पैसा हुँदा पनि रजनी केसी गुमनाम छिन् । उनको चर्चा न फिल्म चल्नुअगाडि भयो न चलेपछि । फिल्ममा रजनीले उत्कृष्ट काम गरेको भन्छन्, दर्शक तथा फिल्मीकर्मी । तर रजनीले अन्य फिल्म साइन गरेर यसको स्वाद चाख्न पाइनन् ।
अब उनको हातमा एउटै फिल्म छ, ‘ब्रासलेट’ । ‘ब्रासलेट’ फिल्ममा पनि धेरै कलाकार भएकाले रजनीको चर्चा कसरी हुन्छ भोली नै थाहा हुने कुरा हो ।तर, फिल्म नचल्दा नै चर्चामा रहेकी यी अभिनेत्री अहिले सुनसान छिन् । न त उनले रेखा थापाको ठाउँ नै लिन सकिन्, न त अन्य नयाँ अभिनेत्रीसँग प्रतिस्पर्धा नै गर्न सकेकी छिन् । आखिर, रजनीको फिल्म चल्यो, तर करिअर चै दौडन बाँकी छ ।
