निर्माता छविराज ओझा फिल्म नगरीका बाघ निर्माताको रुपमा चिनिन्छन् । तर, अब छविलाई वाघ बनेर सधै अरुको अगाडि सफल बन्न त्यति सजिलो छैन । यसको मुख्य कारण हो, अरु निर्माताको लोकप्रियता र चर्चा । चैत्र २६ गते निर्माता ओझाले आफ्नो नयाँ फिल्म ‘किस्मत २’ रिलिज गर्ने बताउँदै आएका छन् ।
तर, उनीसँगै प्रतिस्पर्धा गर्न लागेका नाई ‘नभन्नु ल ४’ र ‘रामप्यारी’ प्रचारको मैदानमा उत्रदा छवि भने चुप छन् । छविको यही मौनताले यसपटक भने उनी फिल्म रिलिजबाट पछि हट्छन् भन्ने धेरैको अड्कल छ । यदि, छविले यो मिति छाडेर पछि हट्ने अवस्था आयो भने वाघ बुढो भयो भनेर वुझ्दा हुन्छ । छविले अहिलेसम्म फिल्मको कुनै लुक्स पनि सार्वजनिक गरेका छैनन् । जबकी, ‘रामप्यारी’ र ‘नाई नभन्नु ल ४’ का गीतसंगीतले चर्चा पाइसकेका छन् ।
छविकी फिल्मकी मुख्य कलाकार अभिनेत्री शिल्पा पोख्रेल ‘फागु’ फिल्ममा पनि यसैबर्ष देखिदैछिन् । फागु फाल्गुण ७ गतेबाट रिलिज हुँदैछ । फागुको व्यापारले छविको ‘किस्मत २’ लाई पनि असर गर्न सक्छ । फेरि, नाई नभन्नु ल को ब्रान्ड, रेखा थापासँग भिडन्त गर्न शिल्पा र छविलाई त्यती सजिलो छैन । यस्तो अवस्थामा के छविराज ओझा ‘किस्मत २’ को फैसला शिल्पाको ‘फागु’ व्यापार हेरेर गर्दैछन् ?
