फिल्मी नशा अचम्मको छ । यसमा लागेपछि जो कोहीले निस्कन चाहे पनि सक्दैन । चाहे सफल होस् या असफल, यो क्षेत्रमा लागेपछि चटक्कै छाड्न गाह्रो छ । यस्तै भएको छ, कलाकार छुल्ठिम गुरुङलाई पनि । फिल्म ‘नोभेम्बर रेन’ खेलेपछि कुनै पनि फिल्म नखेल्ने भन्दै बसेकी यी अभिनेत्रीलाई अब भने यो क्षेत्र छाड्न मन लागेन ।
करिब २ बर्ष फिल्म नखेली कार्यक्रममा उपस्थिती जनाएकी अभिनेत्री छुल्ठिमले अब भने फिल्ममै व्यस्त हुने सोच बनाएकी छिन् । उनले फिल्म ‘नोभेम्बर रेन’का लेखक समेत रहेका छेतन गुरुङले निर्देशन गर्न लागेको नयाँ फिल्ममा काम गर्न लागेको वुझिएको छ ।
हुनत, छुल्ठिमले आफू सन् २०१६ मा फर्कन बताएकी थिइन् । तर, उनी छेतनको फिल्मबाट फेरि पर्दामा देखिन लागेको श्रोत बताउँछ । छुल्ठिमले आफै पनि फिल्म निर्माण गर्ने बताएकी छिन् । छेतनको फिल्म खेलेपछि उनले केही साथीहरुसँग मिलेर फिल्म निर्माण गर्नेछिन् । आखिर यिनलाई पनि फिल्मी नशाले समातेरै छाड्यो ।
