निकै चर्चामा रहेको फिल्म 'क्लासिक'को 'स्याड भर्सन'को गीत सार्वजनिक गरिएको छ । ताराप्रकाश लिम्बुको संगीत, दिनेश राउतको शब्द तथा युवराज चौलागाईंको स्वर रहेको प्रस्तुत गीत निकै मार्मिक सुनिन्छ ।
आउँदो प्रेम दिवसको अवसर पारेर माघ २९ गते रिलिज हुन लागेको दिनेश राउत निर्देशित 'क्लासिक'मा आर्यन सिग्देल र नम्रता श्रेष्ठको अभिनय देख्न सकिन्छ । यि दुई पात्र दृष्टिबिहिन प्रेमीप्रेमिकाको रूपमा देखिनेछन् ।
सुवास इन्टरटेन्टमेन्ट र आर्यन सिग्देल इन्टरटेन्टमेन्टको दोश्रो प्रोजेक्ट 'क्लासिक'मा सुवास गिरीको लगानी छ । फिल्ममा राजेश श्रेष्ठको छायाँकन रहेको छ ।
