वलिउड अभिनेता सञ्जय दत्त अब धेरै दिन जेल रहने छैनन् । १९९३ को मुम्बई घटनामा दोषी ठहर भएपछि जेल पुगेका यी अभिनेता आउँदो फेब्रुअरी २७ मा जेलबाट रिहा हुन लागेको बलिउड अनलाईनहरुले लेखेका छन् ।
फेब्रुअरी २७ मा जेलबाट रिहा हुँदै गर्दा उनी तोकिएको सजाय अवधि भन्दा १ सय ५ दिन पहिले नै जेल जीवनबाट मुक्त हुनेछन् । जेलमा रहँदा उनले देखाएको सहनशिलता तथा अनुशासनसँगै उनको फ्यानफलोईङ छबिले करिब साढे तीन महिना पहिले नै उनलाई घर फर्किन सहज बनाएको बिश्लेषण गरिएको छ ।
जेलमा रहँदा पाएको छुट्टीमा भने उनी विशेष सुरक्षासहित घर जाने र फर्किने गरिरहेका थिए । ४२ महिनाको जेल सजाय स्वरुप महाराष्ट्रको यरवडा जेलमा जीवन कटाईरहेका सञ्जयदत्तले समय समयमा पाउने छुट्टीलाई उपयोग गर्दै फिल्म स्क्रिनिङमा समेत सामेल हुने गरेका थिए ।
