कुनै बेला थियो, जतिबेला दुई अभिनेत्री अनु शाह र नीता ढुंगाना निकट थिए । हरेक कार्यक्रम एकसाथ पुग्ने यी दुई फुर्सदको समय पनि एक अर्कासँगै नै बिताउथे । अनु र नीता फिल्म नगरिमा आफुहरु निकट साथी भएको र अरु साथी नभएको बताउँथे । तर, समयले कोल्टो फेर्यो । अहिले यी दुइको सम्बन्ध हाइ हेल्लोमा नै सिमित छ ।
प्रेमी पाएपछि साथी छाडेर जानेहरुसँग के को मित्रता गास्नु भन्दै अनुले घुमाउरो शैलीमा नीताप्रति ब्यङ्ग्य पनि गरेकी छिन् । अहिले नीताको सम्बन्ध प्रेमी आमेष भण्डारीसँग छ । जस्तो हिजोका दिनमा नीता अनुसँग निकट थिइन्, अहिले त्यस्तै क्रियाकलाप उनको आमेषसँग छ ।अनु र नीताविच सम्बन्ध टाढा भैसकेको छ भन्ने उदाहरण केही दिन अगाडि काठमाण्डौमा आयोजित एक अवार्ड समरोहमा पनि देखिएको थियो । दुइजना एउटै हलमा भएर पनि न त एकसाथ बसे, न त हाइहेल्लामै रमाए ।
नीतासँग टाढा भएपछि अहिले अनु मोडल सम्पदा बाँनियाँसग नजिक छिन् । यतिसम्मकी, अनु सम्पदालाई आफूले अभिनय गरेका फिल्मका कार्यक्रममा पनि लिएर पुग्छिन् । अनु र सम्पदा अहिले त्यही समय बिताइरहेका छन् । अभिनेत्रीहरुमा मित्रता र दुश्मनी लामो समयसम्म रहदैन भनेको हो नै रहेछ ।
