कालो काम गर्नेको सेतो कथा भनिएको फिल्म ‘रातो घर’को प्रिमियर अमेरिकामा गरिएको छ । अमेरिकाको क्यालिफोर्नियामा पर्ने ओकल्याण्ड शहरमा आइतवार साँझ फिल्मको प्रिमियर गरिएको हो ।
फिल्म प्रिमियरमा सहभागी हुन निर्देशक सुरज सुब्बा 'नाल्बो' केही दिन अगाडी अमेरिका आएका थिए । हिमालयन फेस्टिबल अमेरिकाले आयोजना गरेको उक्त प्रिमियर शोमा अभिनेता सुधांशु जोशी, गायिका नलिना चित्रकार र आस्था राउत, वितरक मनोर राठीको उपस्थिती थियो ।
निर्माता समेत रहेका निर्देशक सुब्बाले योसंगै अमेरिकाका बिभिन्न शहरमा फिल्म प्रदर्शन गर्ने बताए । विल्सन विक्रम राई र निकेश लिम्बुको पनि लगानी रहेको यो फिल्ममा विल्सन विक्रम राई, संयम पुरी, गौरव पहाडी, मेनुका प्रधान लगायतका कलाकारको अभिनय छ ।
