सुन्दरी नायिका करिश्मा मानन्धरले १२ बर्षपछि दोश्रो पटक लगानी गरेर निर्माण गरेको फिल्म ’फागु’ आउँदो ७ मा रिलिज हुँदैछ । यो बीचमा फिल्मको निर्माण युनिटले अडियो सार्वजनिक गर्न तथा ट्रेलर सार्वजनिक गर्न शुक्रबार राजधानीमा पत्रकार भेटघाटको आयोजना गर्यो ।
दर्जनौं फिल्ममा अभिनय गरिसकेकी तथा यो फिल्ममा निर्मात्रीको रुपमा रहेकी करिश्मा फिल्मको बारेमा अपडेट नभएको वा बोल्ने चचाहेको हो कुरा बुझिएन । किनकी उनले फिल्ममा बारेमा केही पनि बोल्दै बोलिनन् ।
उद्घोषकले नाम लिएपछि पोडियममा बोल्न पुगेकी करिश्माले २ मिनेट पनि बोलिनन्, फिल्मको बारेमा कुरा पोख्नु त कता कता, उपस्थितलाई धन्यबाद मात्र बोल्दै सबै कुरा फिल्म रिलिजपछि थाहा हुने मात्रै बोलिन् । त्यसपश्चात विदा भएर कुर्सीमा बसिन् । करिश्मा बोल्न लागिन् भन्दै केहि नयाँ कुरा आउने आशामा क्यामेरा अन गरेर तम्तयार फोटो पत्रकारहरु निराश बने ।
त्यसपछिको अनौपचारिक गफगाफमा पनि उनले फिल्म राम्रो बनेको भन्दै कुरा खोल्न नमिल्ने तर्क गरिन् । सुरुमा उनले आफै निर्देशन गर्ने हल्ला चलेपनि अन्तिममा निर्माता मात्र बनेको ’फागु’ उनले भने झैं उत्कृष्ट बनेको छ या छैन् त्यो पछि नै थाहा होला ।
