आर्यन सिग्देल र नम्रता श्रेष्ठ स्टारर फिल्म 'क्लासिक'को अडियो जुकबक्स रिलिज भएको छ । फिल्मको अडियो सुमधुर सुनिन्छ ।
सांगीतिक पक्ष निकै सशक्त भनिएको यो फिल्ममा संगीत ताराप्रकाश लिम्बुको छ भने फिल्ममा समावेश गीतहरुमा मेलिना राई, युवराज चौलागाईं, कोशिश क्षेत्रीको स्वर छ । फिल्मका गीतमा शब्द निर्देशक दिनेश राउतसंगै डाक्टर कृष्णहरी बराल र दयाराम पाण्डेका छन् ।
आर्यन सिग्देल इन्टरटेन्मेन्ट र सुवास इन्टरटेन्मेन्टको ब्यानरमा तयार भएको यो फिल्म बर्षकै प्रतिच्छित फिल्म मानिएको छ । दुवै कलाकारको अन्य फिल्ममा भन्दा फरक अभिनय समेटिएको यस फिल्ममा आर्यन अनि नम्रतालाई दृष्टिबिहीनको रुपमा दर्शकले देख्ने छन् । फिल्म माघ २९ मा रिलिज हुनेछ ।
