अभिनेता, निर्माता, निर्देशक भुवन केसी तथा निर्देशक, निर्माता र कलाकर दिनेश डिसी नेपाली फिल्म उद्योगको लागी नयाँ नाम होईन् । केसी र डिसी धेरै फिल्ममा सँगसँगै देखिए । तर अब भने यी दुईबीचको भिडन्त हुने देखिएको छ । डिसी निर्देशित ’फूलैफूलको मौसम तिमीलाई’ र केसी निर्र्दे्शित ‘ड्रिम्स’ एउटै मितिमा भिड्ने पक्का भएको हो ।
राम्रो ब्यानर मानिएको तथा फिल्म उद्योग तथा दर्शकले केहि संभावना देखेका यी दुई फिल्म फागुन २१ मा आउने निश्चित भएपछि यो मितिमा अर्को ठुलो भिडन्त हुने देखिएको छ । त्यसो त फागुन २१ मा रिलिज हुँदै गर्दा दुबै फिल्मले बिदा पनि राम्रो पाउने छन् । शुक्रबार र शनिबार राम्रो विजनेश गर्न सकेको खण्डमा लगातार परेको सोमबार, मंगलबार र बुधबारका बिदाले चल्ने फिल्मलाई फाईदा हुनेछ । दुबै फिल्ममा धेरैको आशा छ र चल्नेमा शंका पनि छैन् ।
अर्को तर्फ फिल्म चल्ने भनिएको पब्लिसिटीका कारण हो । रिलिज पहिले सार्वजनिक हुने टिजर, ट्रेलर तथा गीत संगीत पनि दर्शकलाई हलसम्म पुग्नको लागि लोभ्याउने हतियार हुन् । पब्लिसिटीको लागि डिसि त केसी दुबै माहिर मानिन्छन् । पैसा खर्चेर होस् या अन्य स्क्याण्ल बनाएर होस् फिल्म चल्ने वातावरण बनाउन कसैले पनि कन्ज्युस्याईं नगरेको उदाहरण सर्व्विदितै छ ।
त्यस्तै सांगितिक रुपमा सशक्त मानिएको यी दुई फिल्मको भिडन्त रोमाञ्चक हुने निश्चित छ ।’ड्रिम्स’मा युवा स्टार अनमोल केसी लिड रोलमा छन् । जसको चर्चा जहिले चुलिँदो छ भने ’फूलैफूलको मौसम तिमीलाई’मा नीता ढुङ्गाना र आमेश भण्डारी लिड रोलमा छन् ।
