बलिउड अभिनेत्री रानी मुखर्जीको घरमा नयाँ सन्तानको प्रवेश भएको छ । बलिउडका चर्चित निर्माता तथा निर्देशक आदित्य चोपडासँग रानीले यस बर्षको सुरुवातमा बिहे गरेकी थिइन् । इटलीमा यी दुइले बिहे गरेका थिए । बिहे गर्दा नै रानी गर्भवती भएको चर्चा चलेको थियो । रानीले आज बिहान मुम्बइको क्यान्डी अस्पतालमा छोरीलाई जन्म दिएकी हुन् । छोरी जन्मिएपछि चोपडा परिवार खुशी देखिएको थियो ।
चोपडा परिवारले सार्वजनिक गरेको विज्ञप्तीमा शुभचिन्तक, फ्यानलाई आर्शिवादको लागि विशेष धन्यवाद दिइएको छ । रानी र आदित्यले छोरीको नाम अदिरा राखेका छन् ।
अदिराको प्रवेशले आफूहरुको जीवनमा नयाँ अध्याय सुरु भएको चोपडा परिवारको भनाई छ । अहिले बलिउडका कलाकारले चोपडा परिवार र रानी मुखर्जीलाई वधाई दिइरहेका छन् ।
