परिवारसहित अमेरिका आईपुगेका अभिनेता दिलिप रायमाझीले अभिनयमा सक्रियता देखाएका छन् । अमेरिका आएर अभिनय गरेको उनको पहिलो म्यूजिक भिडियो सार्वजनिक भएको छ ।
गायक मुरारी भट्टराईको एल्बम ‘अनामिका’मा समावेश ‘कहिले काँही’बोलको म्यूजिक भिडियोमा उनले अभिनय गरेका हुन् । भिडियो निर्देशन सुरेशदर्पण पोखरेलले गरेका छन् । भिडियोमा अभिनेता रायमाझीसँग मोडल निला शाही फिचरिङ छिन् । भिडियोमा उनीहरुको प्रेमिल रोमान्स देख्न सकिन्छ ।
अधिकांश हलिउड फिल्महरुको छायांकन हुने गोल्डेन गेट पुल र आसपासका रमणिय स्थानमा यो भिडियो खिचिएको छ । विकास चौधरीको संगीत रहेको यस गीतमा गायक भट्टराईलाई गायिका जुनु रिजालले साथ दिएकी छिन् । गीतलाई चिरञ्जीवी कोइरालाले लेखेका हुन् ।
भिडियोलाई निर्देशक सुरेश दर्पण पोखरेलले नै खिचेका हुन् भने भरत रेग्मीले भिडियो सम्पादन गरेका हुन् ।
