उमेरको हिसाबले हेर्ने हो भने कलाकार निर्मल शर्मा भन्दा अर्की हाँस्य कलाकार दीपाश्री निरौला पक्कै कान्छी होलिन् । यिनै निर्मल दीपाको छोरा भन्दा पत्यार लाग्ला त ?
निर्मलले फिल्म निर्माणमा असफलता भोग्दै गर्दा दीपाले हाँस्य क्षेत्रमा स्थान जमाउँदै थिइन् । अहिले निर्मल निर्देशनमा सफलताको स्वाद चाख्ने तयारीमा छन् ।
फिल्म 'चकलेट'को प्रमोशन कार्यक्रममा दीपाले निर्मललाई छोराको संज्ञा दिइन् । जतिबेला दीपालाई निर्मलले आफ्नो आमा भनेर बोलाए, छेउमै रहेका दीपकले अविवाहित आमा भनेर ठट्यौली गरे ।
निर्माताको रुपमा चिनिएका निर्मल शर्मालाई दीपकराज र दीपाले कलाकारको रुपमा परिचय दिएका हुन् । यसैले निर्मलले यी दुई कलाकारलाई गुरु बा र गुरु आमा मान्ने गरेका छन् । गुरु आमा भएकै कारण दीपा निर्मलकी आमा बनेकी हुन् ।
सार्वजनिक कार्यक्रममा अविवाहित दीपालाई निर्मलले आमा भन्छिन् भने दीपा निर्मललाई छोरा । निर्मलले निर्देशन गरेको फिल्म 'चकलेट'को यि दुई गुरू बा र गुरू आमाले सफलताको लागि आशिर्वाद दिए ।
