गत बर्ष साउनमा अभिनेता श्रीकृष्ण श्रेष्ठको अकल्पनिय निधन भएसँगै पति विगोगमा परेकी अभिनेत्री श्वेता खड्काको अनुहारमा चमक आउन एक बर्षभन्दा बढी लाग्यो ।
.jpg)
विवाह पश्चात हनिमुनको लागी पतिसँगै भारत पुगेकी नारी देश फर्किँदा भने एक्लो प्राण सहित फर्किन परेपछि त्यो भन्दा ठूलो पीडा कुनै नारीको लागी अरु हुन सक्दैन्थ्यो । यस्तो पीडाको साँची थिईन् श्वेता ।
अब भने श्वेता विस्तारै पीडा भुलाउँदै खुसीसँग खेल्न थालेको महशुस उनले पछिल्लो समय सामाजिक सञ्जालमा पोष्ट गर्दै आएका तश्विरहरुले बताउँछन् । केहि महिना पहिलेसम्म पीडा र बिरहका शब्द तथा दृश्य पोष्ट गर्ने श्वेताले अहिले भने केहि खुसीका पलहरु सार्वजनिक गर्न थालेकी छिन् ।
त्यसो त श्रीको निधनको बार्षिकीमा पनि उनले अब बिस्तारै पीडा बिर्सिँदै पहिलेकै अबस्थामा फर्कने र फिल्मी पर्दामा पनि विस्तारै आउने बोलेकी थिईन् । जसको निरन्तरता नै उनका पछिल्ला फेसबुक पोष्टहरु हुनसक्छन् ।
पछिल्लो समय दिनहुँजसो फेसबुकमा अपडेट हुने श्वेताले कहिले श्रीसँगको तश्विर पोष्ट गर्छिन् त कहिले व्याक्तिगत अनि कहिले महिला अधिकार र राष्ट्रवादका कुरा समेत पोष्ट गर्छिन् ।
श्वेताले सार्वजनिक गर्ने हरेक शब्द तथा दृश्यमा हजारौं सुभेच्छुकहरुले लाईक गर्छन् अनि प्रतिक्रिया दिँदै उनको मनलाई थप दरिलो बनाउन प्रेरित गर्छन् । धेरैले उनलाई फिल्मीपर्दामा देख्न आतुर भएको प्रतिक्रिया समेत जनाउने गरेका छन् । श्वेता सँधै हाँसिरहुन्, खुसीरहुन्, धेरै सुभचिन्तकहरुको अपेक्षा यही छ ।
