पूर्व प्रेमी जोडी रणविर कपुर र दीपिका पादुकोण स्टारर 'तमाशा'ले पहिलो दिन सन्तोषजनक बिजनेश गरेको छ । यो लभस्टोरी फिल्मले १० करोड ८७ लाखको ओपनिङ गरेको छ । २०१५ मा रिलिज फिल्ममा यो दशौं उत्कृष्ट ओपनिङ हो ।
ईम्तियाज अली निर्देशित फिल्मको ओपनिङ कलेक्शनको आशा केहि बढि गरिएपनि १० करोड बढिको कलेक्शनलाई राम्रो संकेतको रुपमा लिईएको छ । तर, रिभ्युमा भने ५ स्टारमा 'तमाशा'ले जम्मा २ दशमलव ५ स्टार पाएको छ ।
व्यापक प्रचारका बिच रिलिज फिल्मले १ सय करोडको बिजनेश गर्ने अनुमान भने बलिउड पण्डितहरुले यसअघी नै गरिसकेका छन् । रणविर र दीपिकाको लागी पनि यो कलेक्श बर्षकै उत्कृष्ट हो ।
२०१५ मा रिलिज भएको रणविरको 'रोय'ले १० करोड ४ लाखको बिजनेश गरेको थियो भने 'बम्बे भेलभेट'ले जम्मा ५ करोड २ लाखमा चित्त बुझाएको थियो । त्यस्तै दीपिकाको 'पिकु'ले ५ करोड ३ लाखको बिजनेश गरेको थियो ।
नेपालमा पनि यो फिल्मले बिजनेश राम्रो गरेको छ । यद्धपी नेपाली फिल्म 'कबड्डी कबड्डी’ले 'तमाशा'को बिजनेशलाई उछिनेको छ ।
