नेपालमा हिटको व्यापार गरेको फिल्म ‘लबसब’ अब अष्ट्रेलियामा पनि प्रदर्शन हुने भएको छ । फिल्म आउँदो डिसम्बेर ७ का दिन सिड्नीमा प्रदर्शन हुन लागेको निर्माता सुशील पोखरेलले जानकारी गराए । सिड्नीबाट सुरु भएको विदेश यात्रा मेलबर्न, एडिलेड, क्यानबेरा हुँदै न्युजिल्याण्ड, कतार, डेनमार्क, फिनल्याण्ड, , जापान लगायत देशमा पनि प्रदर्शन हुने निर्माता पोखरेलले बताए ।
अष्ट्रेलिया लगायतका देशमा प्रदर्शनको चाँजोपाँजो गोविन्द भण्डारी र बिनोद पौडेलले मिलाएका हुन् । युवा पुस्ताको प्रेमकथामा बनेको फिल्ममा संयम पुरी, सलोन बस्नेत,करिष्मा श्रेष्ठ शिशिर भण्डारी आदि कलाकारको अभिनय रहेको छ । म्युट प्रेमीको भूमिकामा काम गरेका संयमको कामलाई सबैले मन पराएका थिए । फिल्म सफल भएसँगै निर्माता पोखरेलले यसको सिक्वेल बनाउने घोषणा गरेका थिए ।
