बलिउड फिल्म ‘धूम’को चौथो शृंखला बन्ने खबरसँगै यसमा अभिनय गर्ने कलाकारको बारेमा अनुमान थालिएको छ । केही दिन पहिले ‘धूम ४’ माअमिताभ बच्चन र ऋतिक रोशनले अभिनय गर्ने चर्चा चलेको थियो तर त्यसको साता नबित्दै अमिताभ हैन बाहुबली स्टार प्रभासले अभिनय गर्ने चर्चा सुरु भएको छ ।
बाहुबलीको विश्वव्यापी सफलतासँगै बलिउडले पनि साउथ स्टारलाई सिक्वेलमा भित्र्याए साउथको बजारबाट पनि राम्रो आम्दानी गर्ने निर्माण पक्षको विश्वास हुन सक्छ । यही भएर निर्माता यशराज व्यानरले प्रभाससँग कुरा अगाडि बढाईरहेको स्रोतको दाबी छ । तर प्रभासले खेल्ने नखेल्ने टुंगो भईसकेको छैन ।
त्यसैगरी अभिनेत्रीमा यसपटक निर्माण पक्षले अनुष्का शर्मालाई लिन खोजेको चर्चा छ । यशराज ब्यानरबाट डेब्यु गरेकी अनुष्काले ‘जब तक है जान’ यता सो ब्यानरमा काम गरेकी छैनन् । फिल्ममा प्रभासलाई लिए उनले अभिषेक बच्चनलाई रिप्लेस गर्ने बुझिएको छ । फिल्ममा उदय चोपडा भने यथावत रहनेछन् ।
