पाका फिल्मकर्मी केशब भट्टराईको निर्माण तथा हाँस्य कलाकार निर्मल शर्मा 'गैंडा'को निर्देशनमा बनेको फिल्म 'ब्रासलेट'को गीत सार्वजनिक गरिएको छ । लोकगायक पशुपती शर्मा र टिका पुनले गाएको उक्त गीतमा रमेश उप्रेती र रजनी केसीको नृत्य हेर्न सकिन्छ ।
गोविन्द राईले नृत्यनिर्देशन गरेको प्रस्तुत गीतमा दीपक शर्माको शब्द तथा संगीत रहेको छ । थ्रीलर जनराको यस फिल्ममा रमेश उप्रेती र रजनी केसीको साथमा नम्रता सापकोटा, सुगम शर्मा, सुनिता ठाकुर, कमल मैनालीलगायतको अभिनय छ ।
