फिल्म 'र्याग्स गाइज'को घोषणा गरिएको छ । काठमाण्डौमा पत्रकार सम्मेलनको आयोजना गर्दै यसको घोषणा गरियो । सुरज भुषालले यो फिल्मको निर्देशन गर्दैछन् । माघ महिनाबाट फिल्मको छायांकन सुरु हुनेछ ।
फिल्ममा 'होस्टेल रिटन्र्स'बाट नेपाली फिल्म क्षेत्रमा भित्रिएका ४ अभिनेताले मुख्य भूमिका निर्वाह गर्ने भएका छन् । फिल्ममा सुशिल श्रेष्ठ, सुशिल सिटौला, नाजिर हुसेन र अभय बराल मुख्य भूमिकामा देखिनेछन् । कार्यक्रममा बटवाल फिल्मस् नामको नयाँ ब्यानरको पनि घोषणा गरियो । यो फिल्मस्ले फिल्म निर्माणसँगै विज्ञापन, वृत्तचित्र पनि बनाउनेछ ।
यही ब्यानरबाट नयाँ निर्माता तिलक केसी फिल्म क्षेत्रमा भित्रदैछन् । अभिनेत्रीको खोजी भने भैरहेको निर्देशकले बताए । फिल्मको नाम चार पात्रको अगाडिको अक्षरबाट राखिएको छ । आर.ए.जी.एस अक्षरबाट ४ पात्रको नाम फिल्ममा राखिएको छ । फिल्मको बिषयवस्तुबारे भने केही पनि खुलाइएको छैन । चार पात्रको रोचक कथालाई फिल्ममा देखाइने वुझिएको छ ।