बलिउड अभिनेता अमिताभ बच्चनले आफूहरुसँग पनि दिल भएको बताएका छन् । आफूहरु पनि आम मानिस जस्तै भएको भन्दै खलनायक नसोच्न आग्रह गरेका छन् । अमिताभले जब देशमा संकट पर्छ त्यतिबेला कलाकार नै अगाडि आउने गरेको बताए ।
समाजको मद्दतका लागि मनोरञ्जन जगत सधै नै अगाडि आएको अमिताभको भनाई छ । अमिताभ बच्चनसँगै साहरुख खान, अक्षय कुमार लगायतका कलाकार कन्सर्ट गरेर गरिब किसानहरुको सेवा गर्न जादैछन् ।
आज कि रात हे जिन्दगी नामक कार्यक्रमको सुरुवात गर्दै उनले यस्ता बिषयमा सधै नै कलाकारलाई अगाडि ल्याइने गरेको र नआएको खण्डमा आलोचना गर्ने गरेको बताए । अमिताभले समाजका लागि गरेका विभिन्न कामका लागि आफूलाई कुरा गर्न अप्ठ्यारो लाग्ने पनि सुनाए । अमिताभले आफूले आत्महत्या गर्ने सोचाइमा रहेका ५० किसानलाई मद्दत गरेको पनि बताए ।