अमेरिकाबाट नेपाल आए लगतै अभिनेत्री निशा अधिकारीले आफूले काम गरिरहेको फिल्म ‘लुटेरा’को एक गीतमा आधा काम गरिन् । आधा काम गरेर निशा अफ्रिकाको हिमाल चढ्न त्यतातर्फ लागिसकेकी छिन् । दयाराम दाहाल र दयाराम पाण्डेले लेखेको‘मैले तिमीलाई मन पराए’को बोलको गीतमा निशा र अभिनेता निखिल उप्रेतीले नृत्य गरेका छन् ।
यो गीतको आधा मात्र काम सकिएको भन्दै निर्माता गोपाल कायस्थले आज नै यो गीत सार्वजनिक गर्ने तयारी गरिएको बताए । उनले अहिले आधा गीत सार्वजनिक गर्ने र बाँकी गीतको छायांकन असोज २६ गते गर्ने बताएका छन् ।
कात्तिक २७ गतेबाट प्रदर्शनमा आउने फिल्ममा निखिल उप्रेती, निशा अधिकारी, हर्षिका श्रेष्ठ, सविन श्रेष्ठ मुख्य भूमिकामा छन् । फिल्मलाई दयाराम दाहालले निर्देशन गरेका हुन् । फिल्ममा अभिनेत्री अधिकारीको छोटो कपालमै गीत खिचिएको छ । यस्तै, अभिनेत्रीले गीतका लागि नक्कली कपाल पनि लगाएकी छिन् ।